Hitsch Brosi in den Regierungsrat Graubünden

Tge vul in senza partida ch’è gnanc commember dal Cussegl grond? Ed el gughegia schizunt da sa postar sco spezialist? – Gea!

• Suenter diesch onns sco scolast da gimnasi da tudestg e filosofia a la Scola media evangelica Schiers (SME), da preschent il dudeschavel onn sco directur da la SME, dasperas otg onns sco president dal cussegl da scola en la vischnanca da Grüsch, conusch jau il manaschi da scola da tuttas perspectivas.
• Tranteren sun jau stà set onns incumbensà per dumondas da cultura dal chantun Grischun ed hai emprendì d’enconuscher fitg bain il Departament d’educaziun, cultura e protecziun da l’ambient dal Grischun (DECA). La lescha per promover la cultura ch’il pievel ha acceptà il settember da l’onn 1997 è stà en il center da mia lavur. Jau crai ch’i dettia paucas persunas che san pretender d’avair ina survista cumparegliabla da la cuntrada da cultura grischuna.
• Na, jau na sun mai sesì en il Cussegl grond. Ma jau hai elavurà e surveglià projects fin a la discussiun en il cussegl. Sco directur da la SME hai jau tgirà la collavuraziun cun circuls interessads dal Cussegl grond per megliurar decisiuns en il sectur da scola. Jau dastg resumar: Jau conusch la fatschenta.
• Suenter avair manà cun la SME (100 persunas d’instrucziun/emploiads, 550 scolaras e scolars) passa diesch onns in tipic manaschi da IPM (Interpresas pitschnas e mesaunas) cun pulit success na conusch jau betg mo la problematica da las IPM grazia a mia experientscha quotidiana. Manar, l’abilitad da lavurar en ina gruppa, dumondas da finanzas euv. – tut quai èn pensums ch’èn a mai enconuschents.

L’elecziun en la regenza grischuna è ina elecziun uninominala. Èn ins mo ina persunalitad ch’è da prender serius politicamain sch’ins fa part d’ina partida? Ni tanscha era in mussament da prestaziun? – Perquai appellesch jau Vus tuts da sustegnair mia candidatura!

Era candidats senza partida han posiziuns da basa e finamiras! Quellas chattais Vus sut ils chavazzins correspundents.

Il Departament d’educaziun, cultura e protecziun da l’ambient dal chantun Grischun dovra in cusseglier guvernativ avert cun experientscha da manar e la abilitad da lavurar en in team, dentant era cun cumpetenza en la materia. –