"Ich empfehle Hitsch Brosi zur Wahl, weil er ein offener und gradliniger
Mensch ist und viel von Erziehung und Kultur versteht.
"Privatdozent Chirurgie, USA
Jau candidesch per la regenza dal chantun Grischun
scrit da: Christian Brosi | 
Il Departament d’educaziun, cultura e protecziun da l’ambient dal Grischun (DECA) dovra in spezialist per dumondas da furmaziun! – Natiralmain sun jau conscient dal fatg che la regenza entira reparta ils departaments e ch’ins na po betg candidar per in departament. Ma co ha la realitad vesì ora e vesa anc adina ora? – Per regla è il DECA il post che resta enavos e ch’ina da las persunas nov elegidas sto surprender gugent u navidas. U pudais Vus as regurdar ch’in cusseglier guvernativ d’in auter departament ha midà en il DECA? Ins vul occupar ils departaments da clav: Finanzas e vischnancas, economia publica e fatgs socials ni il Departament da construcziun, traffic e selvicultura. Perquai decler jau avertamain: Jau candidesch per il DECA!
- Perquai che la furmaziun è noss potenzial per il futur. Ed i na dat betg insatge pli impurtant che noss futur!
- Perquai che la cultura stat bun per nossa tradiziun ed atgnadad. En in mund pli e pli globalisà savain nus mo uschia, tgi che nus essan!
- Nus passentain noss entir futur en l’ambient che nus ans stgaffin. Dovri anc dapli giustificaziun?
Perquai ch’i dovra cumpetenza en la materia en il DECA.